Oshikondo shelongo mOshikoto otashi enditha nawa

Omukuluntu gwelongo moshitopolwa sha Oshikoto Alletta Eises, okwati nonande ya taalelwa komashongo ogendji oyeshi pondola oku pititha niizemo tayi shambula.

Eises okwa thamuna ndhoka pethimbo lyegandjo lyomapapa netulo miilonga lyomumvo gwiilonga posekundeskola yaUukule mOnyaanya Etitano.

Ta tothamo gamwe gomomashongo nfaashi okwaahena omitungilo dhopamuthika, uundjugo, omeya, olusheno, nokwaahena iipundi niitaafula ya gwana .

Eises tati odhindji dhomoosikola dhomoshitopolwa odhili kuushayi, ashike omolwa eitulemo lyaalongi oyeshi pondola.

Okwa pula noku indila aalongi ya tsikile nuupenda nonomukumo, yo taya kwashilipaleke kutya onkalamwenyo yokanona okaNamibia oya humithwa komeho.

Aalongwa naalongi mboka ya longa nawa oya pewa omapapa nomapole omolwa oku longa kwawo nuudhiginini.

The post Oshikondo shelongo mOshikoto otashi enditha nawa first appeared on Future Media News.

The post Oshikondo shelongo mOshikoto otashi enditha nawa appeared first on Future Media News.